Smokey Ice (已結業)

第一次黎D2 Place，之前已經上定網search食邊間餐廳，而選依間餐廳既原因就係比佢d外型有趣既甜品吸引~ 考慮左一輪後，最後決定叫個至尊冰極牛扒&一杯熱咸柑桔試下~ 等了差唔多20分鐘，先等到牛扒出場~ 牛扒係由Movenpick既朱古力雪糕整成，而朱古力底層有少少士多啤梨味既雪糕，雪糕附近有少許士多啤梨粒，當雪糕呈少少溶既狀態時，可以扮作切牛扒時滲出黎既血水~ 貌似薯條的東西其實係香蕉，將香蕉略為燒過，造成薯條狀，但食落去同冇燒過既香蕉差唔多~ 西多士就真係西多士，味道不過不失~ 而咸柑桔味道唔錯，但甜左少少~ 總括黎講，甜品味道唔算太出色，但吸晴一流，價錢略貴~