Café&Meal MUJI (已結業)

我覺得佢d甜品都幾靚同幾多款所以特登黎食甜品。不過9點左右去已經就黎last order而且無咩甜品賣了，但呢個時間就有20%off，點左個梳乎厘奄列配北海道軟雪糕。覺得佢既外表係幾靚，食落普通，有配朱古力同糖漿，食落重蛋味但個口感只係似普通甜甜地既蛋，質感唔似係甜品舖食開好有空氣感同綿密個種感覺。雪糕白桃味都係甜甜地無咩特別又無果肉，隔離擺盤既士多啤梨好酸。呢個梳乎厘奄列價錢中等，如果俾我下次試一定會試其他甜品，即係芝士蛋糕或布丁之類。