Buttery Factory (已結業)

香港其實唔多地方賣冬甩，唔似得台灣日本，可能因為香港人唔係話食得好甜。而我自己都係唔太鍾意好甜既野，所以都好少食冬甩，不過呢間d冬甩真係好吸引，大部份都好多朱古力醬，好邪惡，所以真係忍唔住要試下。結果真係有d驚喜，可能為左就返香港人口味，個冬甩係唔甜！雖然有唔少朱古力，但因為個鬆軟既冬甩底係冇乜甜味，所以都可以中和得返岩岩好。買既時候個店主重問我係咪即食，話幫我加熱，加熱左之後，d朱古力溶溶地，係會樣衰左，但係熱辣辣咁好好食！唯一缺點就係太油膩，掂到個冬甩之後發現隻手都係油，睇黎都係間唔中食下就好。