The Waffle Club (已結業)

夜晚係尖沙咀K11附近同屋企人食完飯，諗住周圍行下消化下。點知行行行行經過金馬倫道，見到一間新開嘅雞蛋仔。雞蛋仔就食得多，但心型嘅雞蛋仔真係第一次見。見到個樣咁特別，真係俾佢吸引左埋去。一睇個餐牌，啲味道都幾特別喎！有奶皇呀、麻薯、朱古力流心味等等。諗左一轉要咩味，我地全屋人決定試下佢個花生醬味。價錢黎講都算少少貴，要$35，不過味道同外形都比較少見，所以我地都決定一試。等左3-4分鐘度，終於有啦，個外型真係幾靚喎! 大家都即刻影左幾張相呃like😆味道黎講，花生醬味都算重，但花醬分佈得唔算太均勻，唔係話粒粒都有花生醬餡係入面。另外，唔知係唔係因為雞蛋仔吹得未係咁耐，所以底部嗰啲雞蛋仔個外皮淋左少少，唔係好夠脆。不過整體黎講，成個雞蛋仔唔係太甜，所以都不過不失。如果大家少女心重，又鐘意post下相，呢款心型雞蛋仔確實係一個唔錯嘅選擇。