赤鯛 (已結業)

琴晚同朋友staycation 中午起身睇app 見到有日本嘢食外賣叫咗兩個lunch set 1️⃣十和田牛肉飯定食2️⃣江户吉列豬定食兩個定食都送好多side dish 👉🏻有沙律: 普通沙律，不過啲菜係好新鮮配芝麻醬的👉🏻醬油年糕包: 因為送到黎已經涷咗，裏面個年糕變硬咗，不過唔係咁入味，所以麻麻地👉🏻柚子味蓮藕: 醃漬裏食品，本人麻麻地，因為個柚子味再加埋少少滑散散，有啲似洗潔精味，以開胃菜嚟講我覺得還好👉🏻招牌鯛魚湯: 好濃嘅魚味，係好鮮甜，不過偏咸，有機會下次試下佢地魚味湯底嘅烏冬先講翻兩個主食，以外賣日式料理黎講其實唔錯 十和田牛肉飯，牛肉食得出唔係普通嘅牛肉，牛味濃，但煮得偏韌，個人覺得可以多汁啲，因為送到嚟已經無乜汁，值得表揚嘅係牛肉份量有好多，係幾好嘅！江户吉列豬飯，外賣炸豬扒其實都有少少冒險，係豬扒炸得少少乾身，調味，豬扒厚到其實好足料。今次外賣其實水準唔差，下次試下堂食再報告比大家聽！