喜喜雞煲

營業中

休息中

早排食過一次「翻層味」，本來想星期想encore再食，但要等位，後來侍應姐姐提議外買回家。哇，真係未試過外賣一個鍋同配料打邊爐。上次試了雞煲，今次改食胡椒豬骨煲，再叫了老友鬼鬼、水餃、同薯粉返屋企。屋企人亦好醒咁去百佳買魚片同菜，因為平ｄ又份量多ｄ。胡椒豬骨煲入面的豬骨好大舊，仲有雞腳，好足料，胡椒味夠濃，但又唔會搶到其他食物的味道，唔錯唔錯。老友鬼鬼上次食過，可能今次改左湯底，無上次用雞煲咁入味同濃郁。本來屋企人唔比叫水餃，因為百佳抵好多，但我堅持要，因為上次食過好味，餡料同餃皮的份量適中，唔會過多或過少。計計數，下次可能都係外買抵ｏ的。