影片
更多
2018-06-06
1568 瀏覽
上次星期四上到嚟，點知摸門釘！好彩今次lunch終於試到「素食達人」開嘅呢間純素餐廳！Vegan原來都可以好多選擇！！！我哋喺度睇佢嘅lunch set（每份$98加一）都揀咗好耐，因為俾我哋預期嘅多選擇（加上個人有少少選擇困難症～哈哈）。首先上餐湯，今日個湯係生薑南瓜湯！南瓜配生薑原來都幾特別，我幾鍾意！第一個餐終於嚟啦！係我想試嘅Pizza～「那波里芝士番茄薄餅」.睇落好似好細份，以為會唔夠食，但原來食到最後係會飽！哈哈！.啱啱開始多咗食素嘅我，發現原來「純素」嘅芝士都可以好香好好味！.另外一提，側面啲大大條嘅薯條，係原隻薯仔整出嚟，係我好鍾意嘅口感！另一份我哋叫咗嘅，係「黑芝麻忌廉醬珍珠筍意粉」！第一次食黑芝麻味嘅意粉，甜甜地原來又幾得意喎！.有小驚喜嘅係，上面嗰幾舊橙色包住嘅，裏面原來就係珍珠筍！最後我哋叫咗「豆奶咖啡」用豆奶沖嘅咖啡，絕對唔比用牛奶沖嘅味道差！.最後最後，仲有幾好食嘅跟餐小甜品，朱古力啫喱杯！係完美嘅句號啊～科科.小總結：個set有餐湯有嘢飲有甜品，其實價錢都算合理，雖然主菜份量唔算大，但係夠飽，而且都幾好味，所以一定會再嚟幫襯，試吓佢其他菜式！Ps. 要讚一
上次星期四上到嚟，點知摸門釘！好彩今次lunch終於試到「素食達人」開嘅呢間純素餐廳！Vegan原來都可以好多選擇！！！
我哋喺度睇佢嘅lunch set（每份$98加一）都揀咗好耐，因為俾我哋預期嘅多選擇（加上個人有少少選擇困難症～哈哈）。
首先上餐湯，今日個湯係生薑南瓜湯！南瓜配生薑原來都幾特別，我幾鍾意！
番茄芝士pizza
37 瀏覽
0 讚好
0 留言
第一個餐終於嚟啦！係我想試嘅Pizza～
「那波里芝士番茄薄餅」
.
睇落好似好細份，以為會唔夠食，但原來食到最後係會飽！哈哈！
.
啱啱開始多咗食素嘅我，發現原來「純素」嘅芝士都可以好香好好味！
.
另外一提，側面啲大大條嘅薯條，係原隻薯仔整出嚟，係我好鍾意嘅口感！
黑芝麻忌廉醬珍珠筍意粉
52 瀏覽
0 讚好
0 留言
另一份我哋叫咗嘅，係「黑芝麻忌廉醬珍珠筍意粉」！第一次食黑芝麻味嘅意粉，甜甜地原來又幾得意喎！
.
有小驚喜嘅係，上面嗰幾舊橙色包住嘅，裏面原來就係珍珠筍！
最後我哋叫咗「豆奶咖啡」用豆奶沖嘅咖啡，絕對唔比用牛奶沖嘅味道差！
.
最後最後，仲有幾好食嘅跟餐小甜品，朱古力啫喱杯！係完美嘅句號啊～科科
.
小總結：
個set有餐湯有嘢飲有甜品，其實價錢都算合理，雖然主菜份量唔算大，但係夠飽，而且都幾好味，所以一定會再嚟幫襯，試吓佢其他菜式！
Ps. 要讚一下，店長嘅小貼心
座位嘅下面有個小籃子，可以俾人放袋，唔使放喺背脊坐得唔舒服，或者要放地下整污糟
張貼
