元札幌拉麵 (悅來坊)

營業中

休息中

行過就俾門口既多啦A夢吸引左我地，就入左去試，餐廳環境唔似一般既拉麵店，有居酒屋既氛圍，同朋友傾計一流。一坐低，店員就好親切遞上餐牌同茶，凍凍地飲杯茶，睇下餐牌揀下食d咩。🔻地獄拉麵$72見到餐牌有3隻辣椒，怕辣，同店員講小辣，黎到湯底真係無咁辣, 無蓋過本身味噌湯的味, 可以再辣多dd就最好 ，麵身彈牙，唔係幼身麵 所以有夠咬口。日式叉燒半肥瘦厚薄適中, 最緊要仲有朋友最愛 溏心蛋, 几漬到蛋黃都有醬油香，但蛋白都係好軟身,仲要係有比成只溏心蛋，讚!🔻 溫泉蛋牛舌飯$75個飯一黎到，我地就俾佢幾塊厚切牛舌嚇親😂平時見到既都係薄薄幾片...依度既牛舌好諗同入味，真係好，啱哂我。個餐仲有前菜沙律、味噌湯及茶碗蒸蛋，望落d蛋好似好老，但一食裏面d蛋係好嫩，仲有雞肉粒、冬菇同魚板。