影片
更多
2022-09-14
748 瀏覽
餐廳：海饌 - 海鮮牛扒餐廳 (銅鑼灣)地址：銅鑼灣Fashion Walk食街加寧街9-11號華高大廈地下C及D舖行入餐廳林立嘅銅鑼灣Fashion Walk，裡面有Bar、Burger店、Steak House等，今次就去咗呢間開業咗接近7年嘅海饌 - 海鮮牛扒餐廳 @coast_seafoodgrill 食飯，睇個名就知喺食海鮮同牛扒為主🦞🥩，上個月仲推出咗全新嘅A La Carte Menu，加入咗好多多國菜嘅選擇：西班牙🇪🇸、韓國🇰🇷、蘇格蘭🏴、法國🇫🇷，真喺應有盡有😍，食素嘅人仲有唔同素食選擇，今次嚟到緊喺要試多啲佢哋嘅新菜式😋餐廳有好多同海洋有關嘅裝飾同設計🌊，船錨⚓️、船漿、貝殼🐚、粗麻繩，唔講以為自己登上咗一架捕魚嘅大船上面咁，你又準備好呢程海洋之旅未🤪✝️法式牛肉他他配松露脆米餅 $185一般牛肉他他都喺配三文魚籽同牛油果蓉🥑，而且會將所有配料撈埋入去牛肉他他裏面，餐廳就破格地將牛肉他他同配料分開，英式芥末醬、洋蔥碎🧅、酸瓜碎、酸豆、鯷魚醬，比你可以按自己嘅喜好加多減少，亦都可以食到配菜最新鮮嘅口感，同牛肉他他形成一個對比，加埋鵪鶉蛋、藜麥、帶有陣陣松露香嘅
地址：銅鑼灣Fashion Walk食街加寧街9-11號華高大廈地下C及D舖
行入餐廳林立嘅銅鑼灣Fashion Walk，裡面有Bar、Burger店、Steak House等，今次就去咗呢間開業咗接近7年嘅海饌 - 海鮮牛扒餐廳 @coast_seafoodgrill 食飯，睇個名就知喺食海鮮同牛扒為主🦞🥩，上個月仲推出咗全新嘅A La Carte Menu，加入咗好多多國菜嘅選擇：西班牙🇪🇸、韓國🇰🇷、蘇格蘭🏴、法國🇫🇷，真喺應有盡有😍，食素嘅人仲有唔同素食選擇，今次嚟到緊喺要試多啲佢哋嘅新菜式😋
餐廳有好多同海洋有關嘅裝飾同設計🌊，船錨⚓️、船漿、貝殼🐚、粗麻繩，唔講以為自己登上咗一架捕魚嘅大船上面咁，你又準備好呢程海洋之旅未🤪
✝️法式牛肉他他配松露脆米餅 $185
一般牛肉他他都喺配三文魚籽同牛油果蓉🥑，而且會將所有配料撈埋入去牛肉他他裏面，餐廳就破格地將牛肉他他同配料分開，英式芥末醬、洋蔥碎🧅、酸瓜碎、酸豆、鯷魚醬，
比你可以按自己嘅喜好加多減少，亦都可以食到配菜最新鮮嘅口感，同牛肉他他形成一個對比，加埋鵪鶉蛋、藜麥、帶有陣陣松露香嘅脆米餅，口感非常豐富。牛肉他他份量好多，如果多兩塊脆米餅就好😆
✝️烤生蠔配柚子胡椒醬油 $140
用咗柚子胡椒醬油調味，令肥美生蠔嘅肥膩同滯嘅感覺消除🦪，生蠔嘅裙邊烤得好焦脆香口，而蠔肉爽口，配埋三文魚籽一齊食鮮味更加突出，不過略嫌醬油有啲多鹹咗少少🤏
✝️西班牙香辣鮮蝦風腸餡角 $125
切開香脆充滿牛油香嘅餡角，
見到滿滿嘅鮮蝦同西班牙腸湧流出嚟🦐，芝士同辣椒油中和咗彼此鹹同辣嘅滋味，酥香惹味
✝️烤阿根廷牛簿裙肉 $295
選取咗牛筋骨下面嘅牛簿裙肉，肉香比較濃而且多肉汁🐮，帶有少少筋部幾有咬口，配埋阿根廷青椒醬食落更清香，仲有流心嘅布拉達芝士做伴碟，平衡返牛肉嘅油膩感👍
✝️龍蝦芝士通心粉 $240
用咗爽彈多肉嘅龍蝦尾同三隻芝士：Cheddar, mozzarella, Parmesan cheese做主打，加入海鮮湯同雜菌🍄，令本身濃郁嘅芝士食落無咁滯，加上掛汁嘅通心粉，
芝士嘅「芝」味同龍蝦嘅鮮味真喺沒法擋🦞
✝️焦糖香蕉牛角酥窩夫配北海道3.7牛乳雪糕 $95
由韓國熱潮帶到嚟香港嘅牛角酥窩夫近年喺香港越嚟越盛行，除咗比一般窩夫多咗牛角酥皮嘅質感，同時亦多咗牛油酥香嘅味道🥐，配埋焦糖香蕉同濃滑嘅北海道3.7牛乳雪糕🍨，冷熱交加，仲有朱古力醬同開心果碎，一次過滿足晒視覺同味覺嘅享受😎
✝️檸檬伯爵茶拿破崙蛋糕 $90
拿破崙蛋糕一向比人千層酥皮鬆脆而且夠薄嘅口感，放入口一咬即碎，再夾上三層清新濃郁一啲都唔膩嘅檸檬伯爵茶醬，酸酸甜甜嘅檸檬香、誘人香醇嘅伯爵茶香🌱，下次一定會再嚟Encore🤤
張貼
