影片
更多
2023-06-07
143 瀏覽
好多年前係Peel Street果陣我已經成日去飲佢啲local tap beer。當時鋪位細好多，次次去都爆場架 ！想食個飯都有難度😅2021年1月佢光榮結業果陣我仲好傷心😢始終果到有好多回憶架嘛！直至到有一日我行經過LKF 竟然俾我見到何蘭正個招牌！果然唔係眼花！佢搵左新鋪位🥳我記得當時即刻影左張相send俾朋友，真心興奮架！搬新鋪到而家我幫襯左6次左右啦。每一次帶朋友去佢地都好鍾意。呢到個vibe真係好正👍🏻大家印象最深刻既一定係佢果4隻霓虹燈大字《鬼佬涼茶》俾人打卡都打到暈😂而家地點近左地鐵站，唔使再行上半山行到身水身汗。地方又闊落左好多，搵成大班朋友去食飯都無問題啦😌唯一可惜既就係佢無左個beer flight🥲想當年我例牌都嗌呢個架！一次過試4杯唔同tap beer，細細杯唔驚飲到飽曬。我想爭取要返個beer flight可唔可以？😅入返正題先。呢到除左嘆啤酒同影靚相之外，佢啲野食都相當出色架。當晚同朋友試左4樣野食，認真每一樣都好食！最後2條友都食到爆肚🤰🏻超飽囉但好滿足☺️✨奶香十足頂級意大利流心芝士(200g) $218配超甜荷蘭小蕃茄、牛油果、意大利式中國芫茜香草醬、
2021年1月佢光榮結業果陣我仲好傷心😢始終果到有好多回憶架嘛！直至到有一日我行經過LKF 竟然俾我見到何蘭正個招牌！果然唔係眼花！佢搵左新鋪位🥳我記得當時即刻影左張相send俾朋友，真心興奮架！
搬新鋪到而家我幫襯左6次左右啦。每一次帶朋友去佢地都好鍾意。呢到個vibe真係好正👍🏻大家印象最深刻既一定係佢果4隻霓虹燈大字《鬼佬涼茶》俾人打卡都打到暈😂
而家地點近左地鐵站，唔使再行上半山行到身水身汗。地方又闊落左好多，搵成大班朋友去食飯都無問題啦😌
唯一可惜既就係佢無左個beer flight🥲想當年我例牌都嗌呢個架！一次過試4杯唔同tap beer，細細杯唔驚飲到飽曬。我想爭取要返個beer flight可唔可以？😅
入返正題先。呢到除左嘆啤酒同影靚相之外，佢啲野食都相當出色架。當晚同朋友試左4樣野食，認真每一樣都好食！最後2條友都食到爆肚🤰🏻超飽囉但好滿足☺️
✨奶香十足頂級意大利流心芝士(200g) $218
配超甜荷蘭小蕃茄、牛油果、意大利式中國芫茜香草醬、刀削白靈菇、肉鬆及湖北燒蕃茄香辣汁
食burrata cheese我個人係鍾意食實身啲既，而呢個口感正合我心意。平時西式就配olive oil食啦，呢個係中西合。creamy burrata cheese配惹味既湖北燒蕃茄香辣汁。每一啖都感覺到我啲味蕾跳緊開心舞💃🏻同埋佢個刀削白靈菇真係唔講以為佢係意粉黎架！每一條彈牙既菇都染上香草醬。另外仲配有米通，一齊食可以增加口感。
🐷24小時慢煮伊比利亞叉燒 $198
配日本溫泉蛋、紅洋蔥漬、香噴噴香蔥豬油撈飯
呢個可以話係呢到既招牌！次次黎親都會見好幾枱會嗌。每一嚿叉燒都肥瘦均勻，慢煮到肉質十分軟腍！配埋超香超邪惡既香蔥豬油撈飯，真係每一啖都係幸福既感覺🥰A good day for me, sad day for the pig😝
🐮先炆後煎澳洲和牛臉 $198
配濃香沙爹汁、荷蘭豆、鐵板先炆後煎豬粉腸及腸粉
呢個和牛面珠墩好鬼大塊，但一切即開！入口即溶，牛味十足！我平時唔食豬粉腸架，諗住反正有埋就試一嚿啦。佢完全無果浸豬內臟會有既異味！食落粉粉地，配埋個香濃沙爹汁，食下食竟然俾我地食曬！連我個鬼妹朋友都話好食🤤(話時話佢都話想爭取返有無個"鬼妹涼茶"neon sign🤣)
✨極幼滑花生醬焦糖燉蛋 $148
配煉奶西班牙鬆脆包、熱帶果醬、迷迭香煮菠蘿
呢個賣相係有既，花生醬同燉蛋係又香又幼滑既，係食落有啲甜囉。好在佢又加返個酸酸地既熱帶果醬同菠蘿，用返個酸味去中和返個甜味。我直接將個燉蛋用黎搽脆脆麵包食仲可以增強口感。
🍺是L但 $85
呢杯係IPA，好易入口。啤酒大把選擇！揀唔到既即管叫侍應介紹，佢地全部都好nice架😎
✨小高特調 $125
呢杯都係侍應弟弟介紹既。呢杯都重酒味架！用左白蘭樹下既gin同鐵觀音做茶底。飲落有花香又有茶香，味道多層次。
張貼
