顯徑車仔麵 (已結業)

今日去開沙田顯徑做嘢 對呢個地方好唔熟悉 經過街坊們一番介紹後 決定去呢間多年老店顯徑車仔麵度食下午茶枱凳同裝修都好有懷舊感覺 用上摺枱同埋膠凳好有感覺 皃時是回憶返曬嚟叫咗個三餸麵包括 瑞士雞翼 鮮滑牛 同埋坊間少有嘅酸齋 瑞士雞翼甜甜鹹鹹炆得夠入味 而且肉質軟淋 鮮滑牛都係少有嘅 冇乜鬆肉粉味 而且有咬口 酸齋 酸甜夠開胃 索曬啲湯 正朋友叫咗豬油渣炸得脆卜卜 勁香口 完全係心機之作 出面好難食得到 極力推薦跟餐仲送豆漿豆漿有少少渣證明係自家製造 唔太甜夠解渴