一起燒火鍋烤肉店 (已結業)

之前屋企人係上面食蒸鍋見到有間韓燒就話找天過來吃，今日難得得閒就去試下先，入到去座位都舒服而且點食物又方便，而且仲有韓燒和打邊爐添，最後我地今次試左韓燒先....黑松露赤蝦..沒想到黑松露醬都不少，佈滿成隻蝦，蝦有口感新鮮配上勁多黑松露味道幾特別。豬頸肉沒想到那麼好吃，豬肉味香而厚身有口感。羊架可以一人一隻吾洗煩，燒香左羊肉味都特出而肉質嫩滑有口感。當然不會不吃哥哥最愛的豬肉，今次選擇了二款，薄切黑豚豬和西班牙黑毛豬..味道出奇二款口感都不一，肉味都香帶點豬膏的香氣，十分吸引。凍檸檬茶食韓燒絕對解滯，而且這裡還有不同的飲品選擇。五花茶夠清熱而且吾太甜，味道剛好。用iPad點野食睇得清楚又有圖，落單快野食黎得都快手，而且仲有生菜可以包肉吃。韓燒點會冇九菜，吸晒精華味道十分好，而且這裡用紙，感覺上沒有那麼油膩感添。