影片
更多
2023-05-12
56 瀏覽
今日行完葵芳，見到有間新開嘅串燒店，被門口嘅colourful顏色吸引住，睇睇餐牌，d串燒都係親民價，唔算太貴，於是買d返屋企加餸。佢地有多款式嘅串燒之外，仲有12種口味，真係好花多眼轉，玉子燒，燒到外層有少少脆脆地，入面軟淋淋，食落又幾特別。雞脾肉，選擇咗椒鹽口味，佢雖然係燒過，但都保持到雞肉嘅嫩滑，椒鹽味好特出，都幾惹味。魷魚鬚串，魷魚味勁香，唔會因為過火，而好韌，食落都好爽口。韮菜，選擇咗麻辣口味，佢地燒菜嘅水準都唔錯，燒得唔乾，仲好濕潤，配埋麻辣口味，都幾過癮。原條茄子，選擇咗避風塘口味，茄子都好大條，燒到淋淋甜甜，加埋d蒜蓉辣椒一齊燒，勁惹味。雞軟骨，選擇燒汁口味，粒粒都卜卜脆，個汁好好食，同雞軟骨勁夾，非常日式嘅口味。牛舌，選擇咗孜然口味，係厚切，食落非常爽口彈牙，配埋d孜然嘅香味，食到停唔到口。
玉子燒，燒到外層有少少脆脆地，入面軟淋淋，食落又幾特別。
雞脾肉，選擇咗椒鹽口味，佢雖然係燒過，但都保持到雞肉嘅嫩滑，椒鹽味好特出，都幾惹味。
魷魚鬚串，魷魚味勁香，唔會因為過火，而好韌，食落都好爽口。
韮菜，選擇咗麻辣口味，佢地燒菜嘅水準都唔錯，燒得唔乾，仲好濕潤，配埋麻辣口味，都幾過癮。
原條茄子，選擇咗避風塘口味，茄子都好大條，燒到淋淋甜甜，加埋d蒜蓉辣椒一齊燒，勁惹味。
雞軟骨，選擇燒汁口味，粒粒都卜卜脆，個汁好好食，同雞軟骨勁夾，非常日式嘅口味。
牛舌，選擇咗孜然口味，係厚切，食落非常爽口彈牙，配埋d孜然嘅香味，食到停唔到口。
張貼
