源發潮州粉麵 (已搬遷) 新店位置

是日與太太專程到新店幫襯，為要試新、舊店有冇分別。新舖闊落好多，食物款式亦多好多。尤其係炸物：炸大腸、豬軟骨等等。飲品方面加各種冷熱飲品，唔再剩係得豆漿同汽水。我兩個人叫：蝴蝶腩河、豬什河、油菜、炸大腸、奶茶同豆漿。蝴蝶腩河保持水準，仍然好味，夠份量同價錢平。而且外面確實唔多食到好味蝴蝶腩。豬什河味道亦唔錯，但係豬粉腸略帶有苦味。油菜一般。炸大腸幾乾淨同幾脆，但份量較少，而且配(類似)泰式甜酸醬，唔係幾夾。奶茶唔掂！冇茶味、奶亦唔夠。豆漿都唔掂！仲有少少酸味，唔知係咪壞？！總括以言，地方大舒服。舊款食物保持，新款食品ok，飲品唔得。