華爾登麵包餅店

營業中

休息中

呢間位於西營盤嘅餅店主打懷舊食物，除咗鋪頭門口嘅月餅卷、鮑魚酥，仲有三角形朱古力蛋糕、菠蘿蛋糕等等🤩今次我就揀咗荷蘭撻($13)同花籃蛋糕($13)，靚靚嘅外表同滿滿嘅忌廉吸引咗我😝荷蘭撻喺70年代興起，以牛油蛋糕同酥皮撻為主體，灑上糖霜再唧少少黃梅醬，呢間鋪頭仲特登將”煙囪”整成心形😍初頭以為好似磅蛋糕咁厚實，但食落好鬆散同乾，好彩煙囪底下有啲忌廉🙈撻皮就做得比較出色，層次分明而且牛油味香濃，稍為薄少少就更好😉花籃蛋糕又名果jam籃，海棉蛋糕嘅表面灑滿椰絲，再加啲忌廉同黃梅醬，所以味道上應該好似前者🤣但呢款蛋糕做得好好多，輕盈得嚟又濕潤，如果可以自己加多啲忌廉就更正😛此終冇得同以前嘅餅店比較，好難話好定唔好，所以都係個人口味🤓既然有舖頭肯繼續做，都不妨去試吓👍🏻