相馬日式火鍋 (已結業)

位於荃灣既相馬日式放題距離地鐵站行十分鐘既大鴻輝中心，雖然位置有點偏，但好在地方非常闊落，成層都係餐廳。朋友同我簡左個卡位坐，仲可以望到荃灣夜景。——————-238 蚊既日底火鍋放題有特級靚牛肉同埋豬肉同雞肉一份。 ——————-湯底方面，我地簡左個日底豬骨湯（呢個好味）， 同中華辣湯底，稍嫌過咸，味道一般。啤酒另外加58 蚊免費添飲， 係日本既生啤啊！ ——————-除左啤酒另叫， 其他飲品係自助，飲品選擇都好多， 驚喜既係有coke plus, 食得放題咁肥膩既野，有coke plus 減少脂肪吸收， 仲唔係放題恩物？ 又有韓國既烏龍茶， 牛奶梳打， 本人最鐘意飲lotte既桃味牛奶梳打，非常旱見，又好飲。又有熱既抹茶。 ——————食物選擇都頗多， 好多菇簡，金珍菇， 茶樹菇， 芋絲， 大芽菜，荀，粟米仔，唔同蔬菜，另一邊又有龍蝦芝士波，爆多芝士， 墨魚丸， 魚皮餃， 魚蛋，手打烏冬，幼面。——————最後食飽飽，有忌廉泡芙同埋雪糕， 同朱古力噴泉，同水果。 抹茶雪糕仲有一小包既夾心士多啤梨雲呢拿雪米糍都好好味。成個雪櫃比我清左，哈哈！