沐白小農 (已結業)

今日終於有機會去開荃灣，試吓呢間都幾出名嘅沐白小農喇🥤🥤🥤佢哋都有幾多款幾特別嘅嘢飲，其他鋪頭未見過嘅，所以好貪心咁叫咗三款嚟試🤭🤭🤭大甲芋頭鮮奶-感覺有啲似食緊芋頭西米露加奶，甜甜地嘅芋頭蓉，唔覺唔覺好快就飲晒成杯啦🙊，唔怪之得咁多人飲呢款啦，又真係幾好味嘅😋沐白黑糖波霸鮮奶-佢哋嘅珍珠係超煙韌嘅，又掛晒啲黑糖係珍珠面🤤🤤，啱晒好似我呢啲咁嘅煙韌控🤭草莓鮮奶-我見佢哋係用原粒士多啤梨🍓🍓打碎，而唔係就咁落啲士多啤梨糖漿㗎，所以飲落會有粒粒嘅士多啤梨口感，相當唔錯👍🏻👍🏻