火滾肥牛海鮮火鍋專門店

營業中

休息中

今日去搵朋友食飯，朋友住開呢頭推薦呢間火鍋店，話可以試到好多其他火鍋店少有嘅唔同牛肉嘅部位🤤手切牛肉就叫左腩包，挽手，金錢展同封門柳嘅位置，餐廳好貼心甘寫埋煮牛肉嘅黃金時間，類似台灣溫體牛嘅食法，烚到微微粉紅色就啱啱好😍每個牛位置嘅肉質同口感都會有吾同，非常有驚喜，好似挽手係牛味比較濃郁而且口感煙靭，金錢展就爽口脆身，腩包就係肉質同油脂味道香濃，呢啲真係出面火鍋店都比較難試到嘅部位😎另外叫咗個手打四寶丸，有牛丸，豬肉丸，墨丸，鮮蝦丸，全部都係自家製，我特別推介個牛丸食落去牛嘅香味濃郁而且肉感紮實彈牙😋另外呢度嘅台山蠔真係有驚喜食落去蠔嘅肉身肥美肉厚而且味道鮮甜🤩之後我地仲叫左個刺身三文魚份量十足😈，呢個價錢又大份又抵食。