火山燒 (已結業)

係荃灣廣場睇完戲唔想周圍走，就過左對面火山燒食飯，呢到都幾多選擇，快睇下我地食左咩⬇️⬇️⬇️✡️ 聖安娜安格斯封門柳 配日本珍珠飯 ～ 送來時塊板超熱，見到封門柳大大件，我超快手咁切開細細件燒，一切又幾軟腍喎， 燒兩下已好快熟，最喜歡自己控制生熟火喉，點一點燒汁再配飯食好滿足✡️ 韓國延邊泡菜牛肉咖哩蛋包飯 ～ 謙謙見親咖哩就忍唔住叫，好彩呢到咖哩係屬於甜咖哩好好下飯果隻， 泡菜牛肉帶點微辣。套餐升級 ▶️ 濃湯+香炒雜腸+香蒜椰菜✡️ 車打芝士玉子燒 ～ 香甜的玉子燒上加左一層芝士在上面，入口有層次感。✡️ 大板章魚燒 ～ 謙謙好耐冇食所以叫，外層又幾脆喎加上d 汁幾有風味。🍹彩虹棉花糖特濃朱古力 ～ 謙謙杯特濃好香濃，我都忍唔住偷飲兩啖。