鉄火堂 (登打士街) (已結業)

四色山葵醬油漬魚生丼 $118用醬油及山葵醃製三文魚、油甘魚、藍鰭吞拿魚、帆立貝，配上壽司醋飯。每款魚生都有3片，厚薄適中，份量剛好。三文魚顏色鮮亮，油份充足，肥美油潤。油甘魚鮮味甘香，肉質細膩，令人回味。藍鰭吞拿魚最正，肉質柔軟，魚味重且鮮美甘甜，用醬油山葵醃過，味道岩岩好。帆立貝嫩滑味鮮，配微酸醋飯同醬油山葵，味道好夾又開胃。味噌湯溫和味道唔太咸，飲完好舒服，有滑豆腐粒同海帶，飲完仲想添。餐廳仲有自選魚生的丼飯，可以按個人口味配搭出喜愛口味。環境裝潢同氣氛都帶有日系風格，服務亦服心有禮。