麻痺雞 (已結業)

又到收工時間，身邊真係會有個鍾意食雞煲既朋友今次入大埔食麻痺雞去到店內已經差唔多坐滿，果然好多人食既雞煲原來唔止雞煲重有麻痺魚、酸菜魚、水煮牛、羊腩煲等等…重有好多揀醬汁都係可以自己調我地揀左主打既麻痺雞！然後我地先叫左少少小食，涼伴海哲絲，黃金皮蛋同埋手拍青瓜飲品都係無限任飲主角黎喇！！好香好香～～一黎到店員細心提我地話而家8成熟煮多陣就可以食，咁我地等到佢炸炸聲就動手又動口喇～～～～雞肉每件都好大件，好厚肉！ 正啊另內重有薯仔係入面，食雞食到中期，薯仔岩岩好入味！食完雞煲就加湯變食火鍋喇！我地叫左美國肥牛、牛柏葉、花腩肉片、爽滑豬生腸、水魷魚、炸魚皮～重有好多好多佢既火鍋料有好多！牛柏業每件都好大件，唔會話煮完縮到細細塊！ 好爽脆！司華力腸切片上，唔會話食兩件就飽曬食唔到其他野午餐肉真係火鍋必食！佢重要好厚切！！花腩肉片真係個人推介，唔會肥又唔會咬唔開個皮，好有口感炸魚皮我鍾意食脆得黎有湯，所以我只會煮兩3下就食下次有機會一定要試下其他鍋底，真係可以逐樣逐樣試