翡翠拉麵小籠包 (已結業)

以前來銅鑼灣食上海野，週不時都會來翡翠拉麵小籠包，因為價格吾貴，食物質素亦吾錯，成日都大排長龍，今次再來，竟然吾洗排隊等位，仲要人客少左好多。不過少人有少人既好，可以直入吾洗等位。小籠包同以往一樣，一籠4隻，熱辣辣上枱，外皮又滑又薄，入面既肉汁算多，成隻小籠包size剛好，非常好味。蔥油乾撈拉麵 (配剪麵)剪麵係比較粗身少少既上海拉麵，入口算彈牙，呢個撈麵係配合一些比較乾身同炸過既蔥絲撈埋來食既，帶點點蔥油既味道，感覺非常普通，可以不試。百頁結烤肉呢個烤肉非常惹味，用五花腩煮既，百頁結係一d腐皮卷成一個一個結甘，d腐皮吸收曬五花腩既濃郁肉汁味，非常好食，值得一試!~