影片
更多
2019-06-27
897 瀏覽
探完bb👶🏻已經係下晝一點幾，同朋友都好肚餓，就去左位於6樓的餐廳食晏。一去餐廳都幾surprised，空間比想像中大，而且用自然採光，又有outdoor area，感覺好舒服。☺️原本以為只提供素食的醫院選擇會好少，點知呢度除左有7-8款菜式(自助形成，想食幾多攞幾多，按重量收錢)，仲有湯、糖水、粉麵、三文冶、自家製麵包、乳酪等等。🥪🥗🍞🥒🍅🍙我同朋友都選擇自己夾餸，攞野食嗰陣竟然見到有姐姐整緊格仔餅，超香😍忍唔住嗌左份同朋友share。花多眼亂之下，我每款餸都夾左少少試。overall 都幾好食，唔會太油太鹹，好似住家餸一樣。比較特別既係佢除左中式既菜式（蒸蛋，炒菜，麻婆豆腐，螞蟻上樹等），仲有比較西式既，好似芝士焗薯仔，焗蔬菜；而湯就係味噌湯，同朋友食既渣咋一樣咁足料。不得不提個格仔餅，雖然攤凍左少少先食，但依然好鬆軟，蛋味又重，配埋份量啱啱好既煉奶同花生醬真係不得了😋價錢合理又好食，難怪咁多人幫襯啦，我地食嗰陣除左有醫院的職員，仲有附近學校既學生，都唔少街外客😆推介！！
一去餐廳都幾surprised，空間比想像中大，而且用自然採光，又有outdoor area，感覺好舒服。☺️
原本以為只提供素食的醫院選擇會好少，點知呢度除左有7-8款菜式(自助形成，想食幾多攞幾多，按重量收錢)，仲有湯、糖水、粉麵、三文冶、自家製麵包、乳酪等等。🥪🥗🍞🥒🍅🍙
我同朋友都選擇自己夾餸，攞野食嗰陣竟然見到有姐姐整緊格仔餅，超香😍忍唔住嗌左份同朋友share。
花多眼亂之下，我每款餸都夾左少少試。overall 都幾好食，唔會太油太鹹，好似住家餸一樣。比較特別既係佢除左中式既菜式（蒸蛋，炒菜，麻婆豆腐，螞蟻上樹等），仲有比較西式既，好似芝士焗薯仔，焗蔬菜；而湯就係味噌湯，同朋友食既渣咋一樣咁足料。
不得不提個格仔餅，雖然攤凍左少少先食，但依然好鬆軟，蛋味又重，配埋份量啱啱好既煉奶同花生醬真係不得了😋
價錢合理又好食，難怪咁多人幫襯啦，我地食嗰陣除左有醫院的職員，仲有附近學校既學生，都唔少街外客😆推介！！
張貼
