北角四眼妹美食屋 (已結業)

今日收工後，突然好想食格仔餅，咁啱畀我發現附近有間試業中嘅小食鋪，於是就嚟嗌嘢食，最後揀咗個「抹茶味格仔餅」。等咗無耐，終於收到厚厚嘅格仔餅，抹茶味濃，餅裡面搽咗好多牛油、煉奶同花生醬，亦有好多花生碎同白砂糖，又香又甜，啱晒鍾意食甜嘢嘅我👍🏻。餅底實淨，咬落鬆脆，口感好好。小食鋪食物種類多，除咗不同口味嘅格仔餅同雞蛋仔，仲有腸粉、燒賣、魚蛋、豬皮、蘿蔔、牛肉等小食。下次除咗食雞蛋仔之外，要試吓花雕醉雞翼😋。