影片
更多
2019-11-23
112 瀏覽
今日同媽咪去完澳門一日遊，搭船返到上環諗住搵餐廳醫肚，行過見到間點心crossover茶餐廳，就入咗去試吓。款式應有盡有，店員話呢兩張係推介食品，有晒圖片唔使睇字啱晒我哋啲選擇困難症嘅人😂款式眾多，除咗點心之外仲有兩張廚師推介餐牌，因為米線湯麵等等嘅選擇，不過難得嚟到呢間主打點心嘅餐廳梗係食點心啦。呢個韭黃鮮蝦腸係我食過嘅腸粉入邊最滑溜嘅，一份有三條，三條都包滿大大粒既鮮蝦，鮮滑美味！韭黃唔係太多，唔會搶蝦既鮮味，而且個鼓油都好香，帶甜而不鹹！正！👍🏻👍🏻👍🏻梅菜扣肉飯味道啱啱好，唔會太咸，扣肉炆得好淋好易入口，靚靚嘅五花肉一層肥膏一層瘦肉，口感一流，又夠曬入味，梅菜更是送飯一流嘅菜式，最鍾意食梅菜肉餅啊梅菜扣肉啊，總之梅菜煮嘅嘢都冇死啦，撈飯一流！而且餐廳標榜冇加味精，難怪食完一啲都唔口渴👍🏻真心好食。上湯魚肚雲吞，講下個湯先，味道清清地唔錯，起碼唔會係飲落去胡椒粉味，同埋碗野都幾重本，起碼有四至五塊魚肚！魚肚比較爽口，個人喜好覺得淋小小會更好味😋雲吞係用鮮蝦同肥豬肉絞碎，口感彈牙味道鮮甜，而且雲吞皮好薄，比例啱啱好，點少少辣椒油吊味以經好夠！黃金流沙奶黃包，細細個又幾得意，唔會太飽
款式應有盡有，店員話呢兩張係推介食品，有晒圖片唔使睇字啱晒我哋啲選擇困難症嘅人😂
款式眾多，除咗點心之外仲有兩張廚師推介餐牌，因為米線湯麵等等嘅選擇，不過難得嚟到呢間主打點心嘅餐廳梗係食點心啦。
呢個韭黃鮮蝦腸係我食過嘅腸粉入邊最滑溜嘅，一份有三條，三條都包滿大大粒既鮮蝦，鮮滑美味！韭黃唔係太多，唔會搶蝦既鮮味，而且個鼓油都好香，帶甜而不鹹！正！👍🏻👍🏻👍🏻
梅菜扣肉飯味道啱啱好，唔會太咸，扣肉炆得好淋好易入口，靚靚嘅五花肉一層肥膏一層瘦肉，口感一流，又夠曬入味，梅菜更是送飯一流嘅菜式，最鍾意食梅菜肉餅啊梅菜扣肉啊，總之梅菜煮嘅嘢都冇死啦，撈飯一流！而且餐廳標榜冇加味精，難怪食完一啲都唔口渴👍🏻真心好食。
上湯魚肚雲吞，講下個湯先，味道清清地唔錯，起碼唔會係飲落去胡椒粉味，同埋碗野都幾重本，起碼有四至五塊魚肚！魚肚比較爽口，個人喜好覺得淋小小會更好味😋
雲吞係用鮮蝦同肥豬肉絞碎，口感彈牙味道鮮甜，而且雲吞皮好薄，比例啱啱好，點少少辣椒油吊味以經好夠！
黃金流沙奶黃包，細細個又幾得意，唔會太飽頂住個胃，食多兩款菜都得！包皮鬆軟又唔會太厚，睇埋個餡：
鹹蛋黃流沙真係起晒沙喎！不過就唔係完全100%用鹹蛋製造，我仲食到有少少椰香味，甜度適中，食完會漏，yummy!👍🏻
，阿媽話魚湯好好食，再加咗個上湯花膠魚肚，上湯同魚肚就同雲吞嗰隻一樣，係多咗幾塊花膠，滋補養顏，又滑又彈牙，啱晒阿媽😅
飲品叫咗兩杯紅豆冰，我就揀咗最原始嘅椰汁底，亦可以選擇其他飲品做底，例如好立克阿華田奶茶等等嘅飲品都可以加紅豆做紅豆冰，我份人比較守舊啲都係叫返原始野，紅豆煮到起晒沙！有得飲又有得食🤪
最後食埋個木瓜雪耳南北杏糖水，清甜滋潤又養顏，甜度適中 ，一次過滿足晒兩個願望🥰好飽喇”
張貼
