影片
更多
2016-05-25
163 瀏覽
幫襯左幾次，每次都滿意所以覺得值得分享。本人都經常喺尖東一帶覓食，多數都係三五成群咁，喜歡去一啲可以飲下嘢，食下snack嘅地方，咁知道狗毛系列開餐廳呢件事就第一時間去八下。狗毛系所本身兩間酒吧，飲嘢方面當然係品質有保證，食嘢方面又點呢？竟然，真係要用到竟然，係好食嘅。本人幫襯左4次，呀。。。係失禮嘅，因為我次次都係食嗰幾樣嘢。1. Home made beef burger: 認真手作。自家製patty 肉汁同肉質都係上成嘅，配合烘香香嘅包，滿足之餘唔滯。跟burger有沙律菜同巨薯條，份量十足。2. Buffalo wings: 將wings 開半，易食易share。港女如我其實有時都幾怕出街要用手食雞翼，開半呢個做法真係唔該晒。味道嚟講係有驚喜嘅，辣度適中，本人好辣，我就覺得辣味唔算太強，但係個香味都做到出嚟。重點係佢個酸味，清新同開胃，平衡個油炸同牛油嘅肥膩。係衰嘅，食下食下係唔識停㗎。跟返傳統配返西芹條同藍芝士醬，在那肥膩與清新之間，信我，減肥可以放棄。3. Nachos: 利申本人好鐘意吃nachos，度度做法不同各有好處。呢度嘅做法係將tomato salsa, guac
本人都經常喺尖東一帶覓食，多數都係三五成群咁，喜歡去一啲可以飲下嘢，食下snack嘅地方，咁知道狗毛系列開餐廳呢件事就第一時間去八下。狗毛系所本身兩間酒吧，飲嘢方面當然係品質有保證，食嘢方面又點呢？竟然，真係要用到竟然，係好食嘅。本人幫襯左4次，呀。。。係失禮嘅，因為我次次都係食嗰幾樣嘢。
1. Home made beef burger: 認真手作。自家製patty 肉汁同肉質都係上成嘅，配合烘香香嘅包，滿足之餘唔滯。跟burger有沙律菜同巨薯條，份量十足。
2. Buffalo wings: 將wings 開半，易食易share。港女如我其實有時都幾怕出街要用手食雞翼，開半呢個做法真係唔該晒。味道嚟講係有驚喜嘅，辣度適中，本人好辣，我就覺得辣味唔算太強，但係個香味都做到出嚟。重點係佢個酸味，清新同開胃，平衡個油炸同牛油嘅肥膩。係衰嘅，食下食下係唔識停㗎。跟返傳統配返西芹條同藍芝士醬，在那肥膩與清新之間，信我，減肥可以放棄。
3. Nachos: 利申本人好鐘意吃nachos，度度做法不同各有好處。呢度嘅做法係將tomato salsa, guacamole 同sour cream分開，骨子啲唔使一pat pat 食到呢咁hea，同唔會話俾啲汁整林曬個chips。重點又嚟喇，佢個jalapeno 真係好開胃呀。其實呢出面有好多地方整nachos 已經無落jalapeno 㗎喇。
4. Fish and chips: 我係fish and chips 控，一日到黑搵邊度有好食fish and chips。呢度chips 用大薯條，口感超滿足。魚用cole 同英式beer battered crust，肉質好滑但魚味唔夠，好在個crust做得好好，調返個味。
5. Cheese fries: 記得要快食呀！芝士一硬左就失去靈魂㗎喇！不過都好在仲有個black truffle mayo幫佢點返睛，但始終都係，襯熱食個松露香先會出到嚟㗎。
環境: 唔熟尖東嘅朋友會嫌偏僻，但係其實棉登徑嗰邊一向都好多酒吧餐廳㗎。餐廳門大開窗大開，但唔算嘈，不過上次去有蚊。。。
芝士薯條
25 瀏覽
1 讚好
0 留言
張貼
