大丈夫食堂 (已搬遷) 新店位置

聽講依間小店大排長龍，所以諗住9點去食就唔洗點排，去到見等3張檯應該幾個字入得啦，最後都等左9個字。因為得廿幾個位但又冇限時，所以有d人食完坐係度hea下傾下計，翻檯就慢d，想食要有心理準備喇。定食多數都一百蚊樓下，有漬物、茶碗蒸、麵豉湯仲有白飯同椰菜絲無限任添，非常抵食。吉列豬扒同南蠻炸雞都係外脆內軟，仲有肉汁，以依個價錢黎講係非常正呀！白飯係珍珠米，軟硬適中。椰菜絲清甜爽脆，配埋d沙津汁好解膩。