大邊爐火鍋店

營業中

休息中

位於九龍城嘅「大邊爐」係一間有二十年歷史嘅老字號火鍋。呢度每晚九點之後入座，仲可以享有半價優惠，好抵！我今次同朋友一行四人去食，揀咗鴛鴦鍋：沙嗲、冬瓜瑤柱，沙嗲就正正常常，但估唔到冬瓜瑤柱湯入面有咁多瑤柱，好足料！呢度火鍋配料都算多選擇，我哋點咗以下：⭐油麥菜 ⭐日本鳥冬 ⭐脆香腐皮⭐自制墨魚滑 ⭐陝西馬尾牛⭐三寶丸（牛丸、豬肉丸、墨魚丸）⭐炸魚皮⭐雞脾姑 ⭐安格斯肥牛（大）⭐西班牙黑毛豬呢度嘅肥牛、墨魚滑同黑毛豬特別好食。安格斯肥牛幾嫩，脂肪唔算太多，牛味幾濃。墨魚滑口感彈牙，好好味。至於西班牙黑毛豬，入湯燉煮之後非常鮮美，食落好滋味。呢度唔止食物好味，環境都好舒適，係一個值得同一大班朋友去打邊爐嘅好地方。