夜。鐵板燒

🌚呢排心情唔係咁好，太多事煩又好多事做，做極都未完，心想要對自己好，唯一只想能滿足自己個胃，只想好好咁吃一餐，就是這樣，心血來潮想食外國餐，外國得黎又想食海鮮，一見到呢間就覺得擇岩，黎到夜鐵板燒，位置好方便就係尖沙咀，好幾種餐選擇，其中一個餐好吸引，超神創意廚師料理，其中一款係叫三龍出海，一盤上面有三種唔同既蝦，有龍蝦，龍蝦好鮮味，跟住有西班牙紅蝦，都好好食，食完龍蝦再食紅蝦，有一個對比性，質感好軟，仲有瀨尿蝦，好大隻好鮮既蝦味，都唔差，不過我個人認為龍蝦做得出色！！！呢個鐵板酸菜本地東星斑，望上去已經好吸引我眼球，佢既湯汁調味裝到滿一滿，仲浸著東星斑，令到東星斑吸晒佢整既湯汁，而且之前仲有用鐵板再整，更有一份香口既味道！！今餐好豐富，野菜炒都好好食，食到好飽，呢款野菜炒好有營養，清清地仲有獲氣，份量適中，除左有本身菜既鮮味之外，仲有一份香既調味，佢既味道同技術就好似去了五星級酒樓質素，做得好有經驗既拿手小菜！！環境氣氛🌸🌸🌸🌸🌸廚師經驗🌸🌸🌸🌸🌸店員服務🌸🌸🌸🌸🌸