輝記雞粥檔

營業中

休息中

想黎食呢間深夜限定雞粥想左好耐好耐，成日黎旺角都係約左朋友食飯，次次都話食完飯行下街再去食雞粥，點知每次都因為食得太飽而無去，講左咁耐終於有機會黎食喇！雞粥檔係路邊，感覺當然就係街邊檔咁，唔可以要求環境非常好，都係坐下摺櫈仔、開張摺枱就一枱，煮食地方都係後巷，唔敢包保100%乾淨衛生，但至少我食左咁多年都未試過出事啦。招牌雞粥入口軟滑，每粒米都煮到爆花，黏稠度適中，冬天食一啖暖笠笠好舒服，雞粥唔會好油，但食到好香雞味，雞肉有3-4件，真材實料。