冬蔭公公 (已結業)

喺附近做完運動同朋友喺呢度嗱嗱臨食飯，貪佢夠快又就腳而且價錢仲好抵添！做完運動唔想食得太heavy! 所以就食湯麵啦！首先睇吓Menu先啦其實都有好多選擇嘅，有湯麵、飯、撈蒙，都係東南亞菜式，可能岩岩做完運動，唔係都想試下呢到既咖哩！我就叫咗個魚湯米線， +一隻燒雞翼，湯底有芽菜、乾蔥、蔥、芫荽，如果唔食嘅話，記得落order嘅時候同店員講聲啊！呢個湯麵清清地，岩哂我！另外叫咗杯荔枝冰，簡直透心涼！朋友就話要叫個小食拼盤試吓，炸嘢好香口，無骨鳳爪就啱晒我哋啲懶人