軍記海鮮菜館 (已結業)

早兩日lunch去左「軍記海鮮菜館」叫左個菠蘿生炒骨飯，佢會有碗湯送，今日係菜乾豬骨湯(好飲又足料)！菠蘿生炒骨唔係一早煮好擺晒係度個種，真係即炒有鑊氣喎！個汁絕對可以令我食到兩碗飯呀!!呢度係舊時細個既味道！而店內既對話充斥住老江湖大排檔feel！午飯時間仲勁多工程既叔叔係度食飯！個感覺好鬼死正！過多兩日，又再去食多次！第二次揀左食豆腐炆班腩飯，好好食喎！個汁又係舊時食過個種味，班腩既肉好滑而且外面炸得岩岩好！推介！夠鑊氣又咁平既午餐，值得支持！有機會既話，要試下呢度既晚飯先得！