小台南 (已結業)

同朋友第一次嚟 叫咗四碟野（下面有單）食物都算正正常常 冇話特別好食同難食 係個豬大腸好似有少少異味咁 但伙記態度真係好有問題 係個啊姐黎 可能佢地人少 想叫野食都有啲困難 等左一段時間 先落到單 食到一半想問佢拎兩杯水 但唔知佢聽漏定點 淨係拎咗一杯 咁就再叫佢拎多杯啦 個樣就已經開始嫌我地煩 一嘢抌低杯水 重要水既量得個一啖都冇 真係谷鬼氣想攞杯水都咁 之後想拎個外賣盒 再同佢講嗰時 佢皺晒眉咁樣啤住我 好似覺得我哋唔應該叫佢咁多次 外賣盒一樣就咁劈低 或者好難喺度形容 但當時我嘅感覺就覺得佢態度好差 呢一間唔會有下次