隼 (已結業)

今日難得收早就同朋友去試吓九龍灣一間日本野，地理位置10分方便舖頭位於MegaBox入邊搭扶手電梯一出就到，座位十分寬敞而且送食物係用路軌嘅方式，非常好玩，之後我哋開始點餐，首先點左大蝦天婦羅手卷，雞軟骨，特盛大滿足，芝士海膽烏冬，粟米壽司同埋帆立貝壽司，仲有我至愛嘅熟蝦同埋魚腩軍艦，先講吓炸物，炸得好香口，而且每一粒嘅份量都好大粒，烏冬方面海膽加芝士呢個配搭簡直係冇得彈，壽司方面屬於正常，魚腩軍艦魚油分明咬落去啖啖肉，而特盛大滿足，份量非常多，每一款壽司都食得好鮮味，而且呢度會有期間限定嘅壽司可以試，作為美食冒險家下次一定會試。