影片
更多
2019-12-08
97 瀏覽
📍亞萊泰 (黃大仙)黃大仙龍翔道136號黃大仙中心北館1樓N141號舖-----朋友仔最近唔知睇邊度學左招新式減肥法 話唔可以食粉麵飯之餘 仲要餐餐都要食雞 咁就會瘦😂既然佢對呢招減肥法深信不疑 B仔亦一於捨飯陪君子 陪佢一齊雞🐥-#泰式海南雞全隻（$188）全隻雞非常大隻 我哋兩個女仔 一人食一半 已經填飽咗七成肚雞嘅表皮好柔軟 皮下脂肪唔多 唔會太肥膩 雞肉呈微微粉紅色生熟度把握得恰到好處 肉質扎實 入口幼滑 蘸埋三色醬（黑醬油 酸辣汁 薑蓉）就更加正😋-#泰人大頭蝦冬陰公湯（$148）冬陰公嘅基本材料不外乎南薑 酸子 香茅 檸檬同辣椒等等 但係每個人鍾意嘅冬陰公口味都會有少少唔同 而B仔就鍾意偏酸嘅冬陰公 呢度嘅冬陰公就正中我下懷 酸味突出 辣味唔會過重 醒胃得黎唔嗆喉 加上落左好多大頭蝦黎煲 味道頗鮮🦐-#泰式豆醬飛天炒通菜（$68）通菜稍稍油膩左少少 好在豆醬唔會過鹹 通菜亦炒得爽脆 唯一係辣度較高 會越食越辣 中意食辣之人會中意 唔食得辣的話應該handle唔到😆-----👶🏻B仔整體評價：7.6/10個👍🏻👶🏻B仔抵食程度：8.5/10個👍🏻👶🏻B仔環境評分：7.5/10
黃大仙龍翔道136號黃大仙中心北館1樓N141號舖
-----
朋友仔最近唔知睇邊度學左招新式減肥法 話唔可以食粉麵飯之餘 仲要餐餐都要食雞 咁就會瘦😂既然佢對呢招減肥法深信不疑 B仔亦一於捨飯陪君子 陪佢一齊雞🐥
-
#泰式海南雞全隻（$188）全隻雞非常大隻 我哋兩個女仔 一人食一半 已經填飽咗七成肚雞嘅表皮好柔軟 皮下脂肪唔多 唔會太肥膩 雞肉呈微微粉紅色生熟度把握得恰到好處 肉質扎實 入口幼滑 蘸埋三色醬（黑醬油 酸辣汁 薑蓉）就更加正😋
-
#泰人大頭蝦冬陰公湯（$148）冬陰公嘅基本材料不外乎南薑 酸子 香茅 檸檬同辣椒等等 但係每個人鍾意嘅冬陰公口味都會有少少唔同 而B仔就鍾意偏酸嘅冬陰公 呢度嘅冬陰公就正中我下懷 酸味突出 辣味唔會過重 醒胃得黎唔嗆喉 加上落左好多大頭蝦黎煲 味道頗鮮🦐
-
#泰式豆醬飛天炒通菜（$68）通菜稍稍油膩左少少 好在豆醬唔會過鹹 通菜亦炒得爽脆 唯一係辣度較高 會越食越辣 中意食辣之人會中意 唔食得辣的話應該handle唔到😆
-----
👶🏻B仔整體評價：7.6/10個👍🏻
👶🏻B仔抵食程度：8.5/10個👍🏻
👶🏻B仔環境評分：7.5/10個👍🏻
👶🏻B仔味道評分：7.5/10個👍🏻
👶🏻B仔回頭機會：8/10個👍🏻
-----
張貼
