愛群餐廳

營業中

休息中

舊式扒房係香港已經買少見少，今次黎到呢間平民扒房雖然唔太就腳，不過地鐵站行過去都唔算遠，大概5-10分鐘左右就見到。黎到呢到梗係叫個雙拼鐵板餐啦，雞、牛、豬中揀一樣，可以拼魚柳，司華力腸或者加18蚊要king size蝦，最後揀左牛排魚柳。西冷肉質都幾嫩滑，有少少根，同金鳳既西冷相比，略嫌牛味唔夠突出，魚柳就正正常常，可以收貨啦奶茶控既我對奶茶要求比較高，呢度既奶茶茶味唔出，亦唔夠凍，係勝在大杯，不過因為口味唔岩所以都飲唔晒套餐有埋甜品，可以揀啫喱或者雪糕，不過啫喱咁岩冇晒，唯有食雪糕啦，慶幸味道都唔錯對於食物要求高既最好選擇其他扒房，若果追求大件夾抵食既，呢度會好適合你！