栢檔極品海南雞飯 (已結業)

平時成日黎加餸，今日懶得煮叫左外賣二人餐，包半隻海南雞、一個餸（簡左煎魚香肉餅）、一份小食（泰式鳳爪）、兩個湯，同埋生菜連飯。呢個份量足足夠我家三個人食，雞肉保持到水準，非常非常滑嫩，配埋3色醬汁，好好食！另外第一次試呢到既魚香肉餅，啖啖肉之餘帶有咸香，征服左我屋企既男士，好岩佢地口味，送飯亦一流。湯亦一如既往，都好好飲，就地取材落足料同雞骨去煲，非常濃厚，$188黎講既外賣餐真係油塘既性價比之皇！