笑匠歡宴坊

營業中

休息中

海鮮肉鬆菠蘿炒飯$130大份量、飽肚、多料嘅迪士尼園內熟食。竟然有三隻大蝦？！啲蝦爽口，同埋冇霉。開頭捻迪士尼嘅野食會係少料啦、貴啦同埋細份。不過個炒飯都幾好。有足足大排堂碟頭飯份量嘅飯量。佢炒飯料有魷魚粒啦、菜心粒啦、菠蘿啦同埋洋蔥粒。之後佢仲有三種toppings 有腰果、提子乾同埋肉鬆。佢出餐好快，排到隊同埋講之後就會即刻幫你預備，然後就拎得個餐。生果杯$40生果杯裏面有西瓜粒、哈密瓜粒、蜜瓜粒同埋提子。蜜瓜好甜，西瓜起左小小沙。食落去唔似罐豆生果，冇防腐劑味，而且都冇浸過糖水。佢好啱夏天食，佢賣嘅時候會用冰水浸住個生果杯。所以啲生果會係凍嘅。