順興海鮮飯店 (已結業)

去梅窩行下，晚市雖然禁堂食，但都想試下係梅窩食餐海鮮，所以打算買外賣係街邊食，黎之前已經做左功課，想黎呢間順興試下，結果無令人失望。Menu好多選擇，因我地得兩個人，所以只叫左老闆娘推薦的椒鹽鮮魷🦑，同埋海鮮炒飯。首先講海鮮炒飯，雖然只賣$58，但落料完全唔媽夫，而且份量好大，應該有三碗飯份量，真係有落魷魚絲落去炒，仲有蟹柳等等。椒鹽鮮魷好香口，份量足，絕對唔會粉多過肉，反而嫌佢粉太少，包唔晒舊魷魚，脆口感略不足，但整體味道唔錯！