韓正屋韓國料理 (搵食市集) (已結業)

food court大約開左1年左右，坐位都算多，而且餐廳種類豐富，中日韓台西都有。中午12點到，仲搵到位。尼間餐廳有唔少人排隊，所以試下。叫左韓式雞肉湯年糕($49)。落左order之後等number拎食物。收到d食物既時候，見到賣相麻麻地，有少少唔開心。但攪一攪之後，發現原來好多配料。d雞肉沉哂落底，有10幾件，肉嫩而且醃過。年糕選用圓扁形，煙韌，份量多，一路食一路"畢"到個碗底有好多年糕。仲有金菇，生菜配料，都幾豐富。整體，因為每個餐廳既鋪頭唔大，所以採用紙碗膠碗既用具。食物唔錯，仲有好多韓式小食，見到其他人叫，吸引過主食。