囍運冰室 (通菜街)

營業中

休息中

呢間餐廳既野食其實一般，唔係多位可以裝得落咁多人，我自己就唔會黎食。野食都係正常茶餐，特餐，午餐果d，價錢就係旺角既茶記既價位，五十至七十咁。果日佢個是日午餐係紅酒汁牛柳粒飯，睇落幾岩胃口，就叫個黎試下，心諗最多都係汁多，牛柳粒少咁。個飯黎到，成pat汁已經冚過左大半個飯，牛柳既量都唔少，睇落唔方係咩好貨色，當然我都預左係咁上下既質素，所以都唔算好驚喜/嚇。畢左粒牛柳粒黎食，嘩！又林又爛。最大鑊係果陣鬆肉粉化學劑味係我食過最勁既！果下真係當堂講左句粗口！佢仲要同個汁一齊撈埋哂，大概係撈埋一齊煮，連個汁都瀨埋野，避無可避。唔係好q肚餓，我唔會食d咁既野。如果唔係同同事一齊，我一定會叫人黎理論下，大佬已經唔係難食既問題，係你咁樣整野食，會食壞人架！我食埋d飯，腸胃頂得住冇咩事，幾個同事一齊中伏，一係痾一係嘔一係兩樣。一句講哂，以後唔會再食呢間野。