影片
更多
2022-10-08
45 瀏覽
又係每個月同家姐食好嘢嘅日子，上網見到廣告寫住$680就可以嘆到法國餐，仲要喺跑馬地我同家姐一於走去試吓，餐廳位置喺跑馬地中心地帶，非常易搵，入到餐廳先知道原來係新開張，每晚只會坐10台客人，所以餐廳環境一定唔會非常嘈吵，啱晒我同家姐慢慢傾偈。Dinner set 已經定左唔使煩食乜，唸都唔使諗坐低冇耐就食得，第一道菜黑松露蘑菇湯，超級香超級濃郁，個湯好creamy 而且咬到細細粒嘅蘑菇碎，真係非常好飲。前菜有黑松露帶子酥，新鮮焗起外皮卜卜脆，入面一口帶子好鮮甜，連醬汁都好味到要用面包食埋佢。秉承法國餐嘅傳統，隻碟好大、食物好精緻，餐具真心靚。整個套餐用的食品都好名貴，尤其是鮑魚同埋白花膠，都係原隻大大鮑魚，配上自家製醬汁，好彈牙也好好味，而花膠用咗西式嘅煮法，食得出啖啖骨膠原，簡直係女士們嘅至愛，我嘅至愛。😍以為食餐法國餐都唔會飽？咁你就錯啦， sorry係我都錯咗😂 呢三款唔同嘅意大利飯，足以令到呢一餐fine dining 好飽肚，而且味道亦都好好，味道有淡有濃，實有一款啱口味，而且不得不讚佢嘅意大利飯非常正宗，有口感唔會一pat pat，食得出認真製作。最後甜品係鵝肝雪糕，之前
Dinner set 已經定左唔使煩食乜，唸都唔使諗坐低冇耐就食得，第一道菜黑松露蘑菇湯，超級香超級濃郁，個湯好creamy 而且咬到細細粒嘅蘑菇碎，真係非常好飲。
前菜有黑松露帶子酥，新鮮焗起外皮卜卜脆，入面一口帶子好鮮甜，連醬汁都好味到要用面包食埋佢。秉承法國餐嘅傳統，隻碟好大、食物好精緻，餐具真心靚。
整個套餐用的食品都好名貴，尤其是鮑魚同埋白花膠，都係原隻大大鮑魚，配上自家製醬汁，好彈牙也好好味，而花膠用咗西式嘅煮法，食得出啖啖骨膠原，簡直係女士們嘅至愛，我嘅至愛。😍
以為食餐法國餐都唔會飽？咁你就錯啦， sorry係我都錯咗😂 呢三款唔同嘅意大利飯，足以令到呢一餐fine dining 好飽肚，而且味道亦都好好，味道有淡有濃，實有一款啱口味，而且不得不讚佢嘅意大利飯非常正宗，有口感唔會一pat pat，食得出認真製作。
最後甜品係鵝肝雪糕，之前諗都冇諗過亦都冇試過，第一次食覺得味道幾特別，有淡淡嘅鵝肝味但唔會好甜，做飯後甜品一流。而家出街食飯越嚟越貴，今時今日話俾人哋聽食法國餐仲要fine dining 只係六百幾蚊，真係非常超值，我同家姐都好滿足。🥰
張貼
