民泰四七 (已結業)

民泰四十七 ，看餐廳名字絕不會想到這是一間西班牙菜餐廳。餐廳裝橫精簡，坐位都寬敞舒適，都覺得幾啱朋友聚會傾計。同埋價錢以西班牙菜黎講 ，都算好抵食。Tapas選擇有十多樣，今次點了三款，下次要試埋其他tapas！加利西亞深海大章魚八爪魚（章魚）口感好好，夠哂彈口。我喜歡佢個汁，番茄味加少少辣，十分開胃，作為前菜好啱食！鮮茄酒醬西班牙肉丸酒醬冇走醬，肉丸肉質新鮮，味道都幾好。西班牙黑毛豬奄列依個菜式等左一段時間先到，心諗點解要整咁耐。上檯時見到個奄列夠厚同黑毛豬份量不少就原諒左佢。黑毛豬超級香口，為依個奄列實在加左唔少分。招牌西班牙臘味海鮮飯第一次食paella係有臘味的，唔知係咪餐廳覺得臘味同西班牙火腿係有異曲同工之妙所以加落去，味道都幾夾的，海鮮份量都不少，值得試下！最後我地點左一個甜品，名叫一頭霧水，睇相就明哂。芒果梳乎厘，兩個字清新！