Niksen Koffie (已結業)

愈來愈多餐廳進駐黃埔，而Niksen Koffie可謂「大軍壓境」。餐廳佔地超過6000呎，空間感十足，而且係pet-friendly😍。文青風設計營造出輕鬆既氛圍，令人有一種懶洋洋感覺。職員非常熱心，向我地推介以下兩款食物。- 白酒牛油汁煮鮮蜆蜆肉質素中等，但勝在份量多。旁邊有四至五片多士，浸落牛油汁食好正。- 焦脆烤「酒」地三黃雞伴精選薯菜三黃雞即叫即烤，大約30分鐘，金黃色外皮非常脆口，一切開雞油滿溢，雞胸肉質嫩滑juicy，等待絕對值得🤩- 凍咖啡湯力咖啡豆揀左house blend expresso，湯力水比一般更甜，甘苦既咖啡同香甜既湯力完美結合🥰- 熱多明尼加60%朱古力可可味非常香濃，苦味唔算強烈，拉花好靚😍我同女朋友一坐就坐左兩小時，最後食埋甜品就心滿意足，餐廳既芭菲非常唔錯，賣相吸引。