影片
更多
2022-01-08
585 瀏覽
曾經經過呢幾間餐廳門口幾次，幾次都係接近坐滿人，但又無一次見過要排隊。每一次都有少少想法想試下，但無人次真係入去試。我好奇嘅係佢生存係一個比較寧靜嘅街，只要過開過一條街，其實佢或者會旺更多相信黎食得嘅，都係有心黎試，而唔係路過今日難得lunch 時間路過，見無乜人，但睇完個lunch menu, 又真係無樣吸引到我喎。不過正如之前已經想試，就試下啦。入到去，我無揀lunch menu, 反而揀左a la carte, 夏威夷雞扒漢堡。由於係a la cartr, 絕對係即製，所以等左一陣先到。一黎到，真係嚇死我，個包已經好大個，個雞扒仲大過佢一倍添。由於即製，所以薯條同雞扒都係熱辣辣。好快我就KO晒啲薯條，因為實在好食，又香又脆又有口感。打開個包，你就可以清楚睇到佢同個菠蘿片嘅比例。再切開件雞扒，你就可以知佢嘅厚度。雞扒有一定厚度，仲好juicy。不過略嫌醬汁不足，其實我相信問店員攞多啲，一定無問題，一定肯比多啲。只係自己都諗係咪唔好食咁多醬呢。論埋價錢，其實比起出面熱賣緊嘅超級巨大雞脾一啲唔唔輸蝕，仲係一個超值級。係餐廳坐左45mins 左右，見到黎食嘅幾枱客，九成都係熟客，同店員（
每一次都有少少想法想試下，但無人次真係入去試。
我好奇嘅係佢生存係一個比較寧靜嘅街，只要過開過一條街，其實佢或者會旺更多
相信黎食得嘅，都係有心黎試，而唔係路過
今日難得lunch 時間路過，見無乜人，但睇完個lunch menu, 又真係無樣吸引到我喎。
不過正如之前已經想試，就試下啦。入到去，我無揀lunch menu, 反而揀左a la carte, 夏威夷雞扒漢堡。
由於係a la cartr, 絕對係即製，所以等左一陣先到。
一黎到，真係嚇死我，個包已經好大個，個雞扒仲大過佢一倍添。
由於即製，所以薯條同雞扒都係熱辣辣。
好快我就KO晒啲薯條，因為實在好食，又香又脆又有口感。
打開個包，你就可以清楚睇到佢同個菠蘿片嘅比例。
再切開件雞扒，你就可以知佢嘅厚度。雞扒有一定厚度，仲好juicy。不過略嫌醬汁不足，其實我相信問店員攞多啲，一定無問題，一定肯比多啲。只係自己都諗係咪唔好食咁多醬呢。
論埋價錢，其實比起出面熱賣緊嘅超級巨大雞脾一啲唔唔輸蝕，仲係一個超值級。
係餐廳坐左45mins 左右，見到黎食嘅幾枱客，九成都係熟客，同店員（我估係老闆娘）有講有笑，老闆娘亦好關心食客對食物嘅反應。連食客平時食量都好了解，食客食唔晒，亦主動問要唔要外賣盒拎走。
雖然自己比較接，唔係太鍾意同外人溝通，不過亦感受到呢間小店嘅溫暖。一定會再黎嘅
張貼
