港晶軒

營業中

休息中

今日嚟到尖東百週年紀念噴水池附近，約咗外國返嚟嘅朋友食返餐中菜，《港晶軒》地方坐得舒適，廚師煮海鮮有一手，值得推介。這個冰鎮咕嚕肉上菜時見到好大陣象，用大量雪粒覆蓋多件新鮮炸起熱辣辣嘅咕嚕肉，食落冰火感覺堅正！(八件咕嚕肉嘅份量足可以開到十幾粒)薑蔥西澳龍蝦擺盤相當精美，成隻龍蝦型態喺返度，啖啖肉件件可口，唔會太熟亦唔韌，爽淋程度剛剛好。最後蟶子王駕到，size大到我倆都擔心食唔食得曬，師傅功力一流，海鮮蒸熟恰到好處，蟶子肉一咬就開，配合炸蒜蒸粉絲，的確美味無比。最後，酒樓仲送咗綿綿紅豆沙。