福岡漢堡扒 (厚福街) (已結業)

福岡漢堡扒原來係韓式餐廳，但又叫福岡喎，奇怪。叫得漢堡扒當然係漢堡扒出名，但晏晝叫漢堡扒實在誇張咗，所以今次食丼飯try try佢。btw侍應好nice好親切，而且上菜好快又熱辣辣，讚！*芝士泡豚丼 $58OMG！好大碗丼飯，午市優惠58蚊真係好抵。飯量超多，米香十足，每一粒日本米都俾辣泡菜汁包住，有少少油，但係辣得過癮。泡菜量同樣多，但豚肉量少而且帶骨，泡菜+豚肉永遠係最強combo，比我想像中辣，加埋拉絲芝士，中和辣味，撈飯食好正。韓式甜辣炸雞 加$38巨失望。加$38嘅炸雞以為會大碟啲，但其實得6粒仔，而且唔甜唔辣，炸雞唔脆，肉質唔嫩，千祈唔好叫，會中伏。