台灣麵

營業中

休息中

今晚去咗台灣麵食飯，我哋兩個人，分別叫咗兩個套餐，朋友叫咗雙格套餐，自己就叫咗紅燒牛肉新竹米粉。先講朋友既，即係一個碗分咗兩格，自由組合兩種口味，都幾好唔使咁單一，朋友㨂咗紅燒牛肉飯併炸菜肉絲新竹米粉，兩者都幾入味，但係個碗似乎太細，放牛肉飯還可以，但放湯米粉嗰格，就真係窄咗少少，D湯好快比米粉吸晒，食湯粉最怕唔夠湯，而且個碗中間位置仲崩咗一大忽，即時扣分。輪到我嗰個紅燒牛肉新竹米粉，米粉幼滑，湯底夠味，撚手嘅牛肉當然好味，份量唔少，而且件件都好大嚿，筋肉相隔嘅牛肉，口感唔錯，軟硬剛好，但食到最後嗰兩嚿，居然咬唔入口，實在好硬。其實，成碗麵都好好味，就係唔知點解要搭兩嚿咁失分嘅牛肉。不過，跟住飲番杯冰凍烏梅綠茶，解渴順喉，即時爽晒。