影片
更多
2014-10-15
2938 瀏覽
其實好難得可以返大圍同媽咪飲茶，多數要係沙田做野先可以返到嚟，因此，為左慶祝我呢個機緣巧合嘅機會，我同媽咪講一定要嚟斗記賀一賀佢。現場所見....門口車都無架，真係好少見! 不過其實呢度都難搵位，等位等勁耐，今次等左十分鐘叫少~有時人多，我拎左張飛返屋企HEA半個鐘都未到我.....由於婆婆其實幾鍾意呢度嘅蘿白糕，因為粉同蘿白比例差唔多，而且煎得幾香~ 美中不足係，我個人認為食野要配一個合適嘅醬先好食，而佢呢度只係提供辣油而無辣椒醬就有啲失色~不過，鏡頭一轉，呢籠香芹潮粉果配辣油就出色勒! 熱氣騰騰上碟，點心應該有如此水評。呢度嘅煎糯米雞真係好好食，煎得香，夾起上嚟唔會散開裡面啲餡亦非常足料，不過特點呢就有啲貴。由於較早前寫過另一篇同區嘅明星酒家嘅薑蔥牛柏葉，係比較之下，呢碟薑蔥牛柏葉就叫做得好，起碼真係有薑蔥味，牛柏葉唔會大舊到會哽死人，底下有啲白蘿白墊底，大點嚟講，其實可以再俾多少少。而咖喱蒸土魷嘅咖喱味就有啲特別，唔係單單係巿面普通嘅咖喱，而係好濃香料味嘅咖喱，似印度咖喱，土魷唔韌好爽口，呢碟野看似平凡，但煮o既人係見到用過心機。媽咪叫我一定要讚下呢度嘅辣油，好香好多渣~ 其他酒
現場所見....門口車都無架，真係好少見! 不過其實呢度都難搵位，等位等勁耐，今次等左十分鐘叫少~有時人多，我拎左張飛返屋企HEA半個鐘都未到我.....
由於婆婆其實幾鍾意呢度嘅蘿白糕，因為粉同蘿白比例差唔多，而且煎得幾香~ 美中不足係，我個人認為食野要配一個合適嘅醬先好食，而佢呢度只係提供辣油而無辣椒醬就有啲失色~
不過，鏡頭一轉，呢籠香芹潮粉果配辣油就出色勒! 熱氣騰騰上碟，點心應該有如此水評。
呢度嘅煎糯米雞真係好好食，煎得香，夾起上嚟唔會散開
裡面啲餡亦非常足料，不過特點呢就有啲貴。
由於較早前寫過另一篇同區嘅明星酒家嘅薑蔥牛柏葉，係比較之下，呢碟薑蔥牛柏葉就叫做得好，起碼真係有薑蔥味，牛柏葉唔會大舊到會哽死人，底下有啲白蘿白墊底，大點嚟講，其實可以再俾多少少。
而咖喱蒸土魷嘅咖喱味就有啲特別，唔係單單係巿面普通嘅咖喱，而係好濃香料味嘅咖喱，似印度咖喱，土魷唔韌好爽口，呢碟野看似平凡，但煮o既人係見到用過心機。
媽咪叫我一定要讚下呢度嘅辣油，好香好多渣~ 其他酒樓都未必俾到~ (梗係啦~呢度米芝蓮一星食府嚟架! )
不過呢籠後加嘅上湯小籠包就好流..... 淨係睇個醋無薑絲，我就知佢係敷衍食客!
個皮好厚好硬，一啲都唔軟熟，已經好扣分，仲要舊肉咁鬼大舊，完全無空間俾個小籠包抖氣，上湯只佔整個小籠包1/4，真係唔好食。
大圍區嚟講，斗記飲茶真係幾貴，因為閒閒地4個人都2xx
題外話/補充資料：
最近佢地搞緊membership 推廣，免費申請做會員，1蚊1分，滿400即送樽負離子水~ 仲有其他野送~
(以上食評乃用戶個人意見 , 並不代表OpenRice之觀點。)
張貼
