木子居酒屋

營業中

休息中

走到大圍積富街就俾呢間門口以日式感覺嘅木子居酒屋吸引住。入到餐廳彷彿去咗日本旅行，有吧枱有座位位置，就係居酒屋嘅感覺。店員好客有禮有，食物種類繁多。牛油果，三文魚沙律三文魚刺身選用油脂比較多嘅部位，食落整體味道都仍然係好清楚，應該係調教嘅沙律汁，而且我覺得最特別嘅係當中的炸蘿蔔絲，味道原來都幾好。鮪魚壽司拼盤一個拼盤有齊哂大拖羅，中拖羅同拖羅蓉太卷，拖羅無論係味道，油脂同新鮮道都係一等一，壽司飯黏度，醋量同味道都好均一同埋適宜。日式茶碗蒸食日本野必叫item, 口感綿滑，味道底味起有鮮味，上菜溫度同熟度火喉都好完美。黃金芝士西京燒原理有啲似酒盗芝士，但用了西京燒嘅烹調方法，所以除咗芝士本身嘅濃味外，仲多左陣陣嘅日式和風嘅甜味。阿波尾雞翼完整度十分高嘅燒雞翼，唔好以為係好簡單嘅燒雞全翼，要燒成咁嘅口感係要好多技巧。首先外皮要燒得好脆，肉汁要完全保留。調味方面不溫不火，惹味但保留到雞味。日本宮崎腸食落嘅口感有啲似脆皮腸，但係肉汁比較多，而且多左一陣燒烤味好食好多，而腸身燒得香口而無燶。